Les Vâpres de Chaumargy
REFRAIN DE CHAUMARGY A BEAUVANAIS DE BEAUVANAIS A CHAUMARGY !!!
Un gros poiré dans notre aco...
Un nid d'égasses au fin cucho...o.
La mére : D' lavoù c’ que t’arrives mon Jean Djoli, mon gâchon. Dis-moi-s-y, dis.
Jean :
J'arrive du ju d'quilles, ma mé, quand
j'vous y dis,
mais crayez
pas qu'j'arrive des vâpres,
oh que nenni.
La mére : Quoué qu' t’as gaigni à c' ju mon Jean Djoli : dis-moi-s-y, dis.
Jean :
J'ai gaigni 2 sous, ma mé, quand j'vous y
dis,
mais crayez
pas qu' j'en ai gaigni 4,
oh que nenni.
La mére : Quoué q'te voux faire d’ces 2 sous, mon Jean Djoli ? Dis-moi-s-y, dis.
Jean :
J'voux achter eun’ fone, ma mé, quand j'vous
y ai dit,
mais crayez
pas qu'j'va en ach’ter deux pour les faire battre,
oh que nenni.
La mére : Aveu qui q'tu voux t’mairier, mon Jean Djoli ? Dis-moi-s-y, dis.
Jean :
J'voux m’mairier aveu eun’ fille du pays, ma
mé, quand j'vous y dis,
mais crayez
pas qu' j'va m’mairier aveu eun’ fille de Paris,
oh que nenni.
La mére : Quoué qu'te voux achter à ta fone pou l'jou d'ses nuç’s, mon Jean Djoli ? Dis-moi-s-y, dis.
Jean :
J'va y achter eun’ bague en boué, des
boucles d'oreilles en gratte cul,
mais crayez
pas qu' j'va l'y achter en or,
oh que nenni.
La mére : Qué balle biaude qu't’vas y achter, mon Jean Djoli ? Dis-moi-s-y, dis.
Jean :
J'va y achter eun’ biaude en toèle, ma mé,
quand j'vouais y dis,
mais crayez
pas qu’j'va y achter eun’ en sué,
oh que nenni.
La mére : Qui t'vas inviter à ta nuç’, mon Jean Djoli ? Dis-moi-s-y, dis.
Jean :
Tous
mes parents, tous mes amis,
mais crayez
pas qu'vont vous y dire, ma mé,
oh que nenni.
La mére : Quouè qu't'vas lou faire miger à tous ces gens, mon Jean Djoli. Dis-moi-s-y, dis.
Jean : Des
çarvelles
de morpions, des langues de sarpents, des pattes de frémi,
mais crayez
pas qu'y o si bailli : du lâ, piu du bouilli,
oh que nenni.
La mére : Lavoù c’que t’vas moner ta fone en voyage de nuç’, mon Jean Djoli ? Dis-moi-s-y, dis.
Jean : Faire
l'tour
d’l'étang Colas, ma mé, quand j'vouais y dis,
mais crayez pas q j'va la m’ner jusqu'à
Paris,
oh que nenni.
La mére : Qué moyen d’transport qu'te vas prendre mon Jean Djoli, Dis-moi-s-y, dis.
Jean :
On va épléyi la Bichette, ma mé, quand j'vouais
y dis,
mais crayez
pas qu’j'va prendre un taxi,
oh que nenni.
La mére : Lavoù qu't’vas mette cucher ta fone, mon Jean Djoli . Dis-moi-s-y, dis !.
Jean
:
J'va la mette cucher aveu moué, ma mé, quand
j'vouais y dis,
mais crayez
pas que j'va la mette cucher aveu vo,
oh que nenni.
La mére : Quouè qu'te vas faire à ta fone, mon Jean Djoli. Dis-moi-s-y, dis !.
Jean : J'va
li
faire minou minette, ma mé, quand j'vouais y dis,
mais crayez
pas qu'j va la laisser dremi,
oh que nenni.
(adapté d’un texte recueilli par Jean-Claude Devaux de Chaumergy, à compléter… )